Ziit zum Sii:

Mir gnüssed di frischi Luft, laufed so wiit mir wänd, lueged alles gnau a, losed uf Grüsch, springed druflos, ruhet eus us, gspüret Natur mit allne Sinn ......

Ziit zum Lerne:

Mir entdecked zäme neui Sache, g’findet use wie’s heisst, üebet neui Fertigkeite, balancieret über Baumstämm, lerned Füür mache, singed es Lied, verzellet Gschichte, werched mit Holz, klettered a de Seil, baschtled und experimentiered .......

Ziit zum Esse:

Mir rüschtet Gmües, choched Suppe, bached Schlangebrot, röschtet Popcorn, grilliered Würscht, teilet de Znüni, schlürfed Punsch, probieret öpis Neus, mmhh .....

Ziit mit Gliichaltrige:

Zäme springe, zäme verstecke, zäme spiele, zäme entdecke, zäme striite, zäme bespreche, zäme esse, eifach zäme tolli Sache mache .....

Ziit zum Träume:

vo Wichtel und Feeä, vo Freiheit und Abendtüür, vom Flüge und starch sii, vom wundervolle Läbe ...!